Seshon di informashon pa e partidonan polítiko ku lo partisipá na e kontienda elektoral próksimamente.
This is an old post.
Djasabra 13 di febrüari último Parlamento di Kòrsou a organisá dos seshon di informashon pa e partidonan polítiko ku lo partisipá na e kontienda elektoral próksimamente. Di kada partido 10 persona riba nan lista por a partisipa. Un total di 13 partido a hasi uso di e oportunidat aki. E seshonnan tabata bon bishita i esunnan presente a reakshoná hopi positivo riba e aktividat. Na final tabatin oportunidat pa hasi pregunta.
Ta e intenshon pa Parlamento organisá tambe un siman di introdukshon intensivo pa miembronan nobo di Parlamento despues di elekshon. Parlamento kier gradisí tur ku a kontribuí ku nan presensia.
