Atmishon

Pa bira miembro di Parlamento, e kandidato mester tin residensia na Kòrsou, e mester tin Nashonalidat Ulandes, e mester a alkansá e edat di 18 aña i no mester tin un sentensia di wes ku ta prohibié di e derecho elektoral. Despues ku Konseho Supremo Elektoral establesé resultado di elekshon, miembronan eligí ta entregá nan kredensialnan na Parlamento.

Kredensialnan ta konsistí di entre otro:

• e notifikashon di Presidente di Konseho Supremo Elektoral dirigí na e kandidato ku el a keda eligí;
• e prueba ku Presidente di Konseho Supremo Elektoral a risibí for di e kandidato ku e ta akseptá su elekshon;
• un deklarashon firmá pa e kandidato ku e no a faya ku e rekisitonan den e Lei enkuanto finansiamentu di partidonan polítiko.