Rueda di prensa relashoná ku klousura i apertura di aña parlamentario.

Tur aña e di dos djamars di luna sèptèmber Parlamento ta habri su aña parlamentario. E aña aki lo hasi apertura di aña parlamentario 2020-2021 riba djamars 8 sèptèmber 2020. Debí na e situashon di Covid-19 e reunion di e aña aki lo ta unu simplifiká, lo no tin hopi invitado i tampoko lo hasi e seremonia militar. Durante e reunion di apertura di aña parlamentario su ekselensia Gobernador lo duna un spich indikando kon gobièrnu di Kòrsou lo bai hiba su maneho den aña 2021. Tambe minister di Finansa lo entrega presupuesto 2021 kual lo keda trata den Parlamento.