Parlamento di Kòrsou durante un reunion públiko solèm a hasi apertura di e aña legislativo 2022-2023.

Parlamento di Kòrsou durante un reunion públiko solèm a hasi apertura di e aña legislativo 2022-2023.

E di dos djamars di luna di sèptèmber, ku tradishonalmente ta e dia ku Parlamento di Kòrsou ta inisiá su aña Legislativo Parlamentario nobo. E aña aki e preparashonnan pa e evento aki a kuminsá trempan i e diferente órganonan i instansianan di gobièrnu ku ta envolví a traha intensivo i diligente pa e seremonia militar, protokolar i e reunion solèm prosedé na un manera digno.

Durante e reunion solèm diferente dignatarionan i instansianan a hasi akto di presensia. Gobernador di Kòrsou, Su Ekselensia señora Lucille George-Wout, kompaña pa su komitiva a trese e diskurso di órden kaminda Su Ekselensia a trese e plannan ku e gobièrnu aktual, Gabinete Pisas II, tin den tapara pa e aña 2023, kual ta keda reflehá den e konsepto pa presupuesto di pais. Despues di e reunion, Minister di Finansa, señor Javier Silvania, a hasi entrega ofishal di e presupuesto di aña 2023 na Presidente di Parlamento señora Charetti America Francisca.