Parlamento di Kòrsou a sera e Aña Legislativo 2023-2024

Presidente di Parlamento señora Charetti America-Francisca, na final di e reunion, a duna un rekuento kon e komo Presidente, a eksperensiá e aña legislativo 2023-2024 i a klousura e Aña Parlamentario gradisiendo tur miembro di Parlamento, personal di grefi, miembronan di LBD i Prensa pa nan aporte na e totalidat.

Esaki ta e último aña ku Parlamento ta funshoná den e konstelashon aktual.  

Alabes manera ta kustumber, despues di a sera e Aña Legislativo, Presidente di Parlamento señora Charetti America-Francisca,  a duna un resúmen di e reunionnan ku a tuma lugá i otro trabounan parlamentario, durante di e rueda di prensa.